Gjiganti amerikan i teknologjisë, Intel, ka paralajmëruar se do të shkurtojë 15 deri në 20 për qind të fuqisë punëtore në fabrikat e saj gjatë muajit korrik.
Vendimi është bërë i ditur përmes një komunikimi të brendshëm, ku zyrtari i lartë i prodhimit, Naga Chandrasekaran, theksoi se këto masa janë të domosdoshme për të përballuar sfidat financiare.
Me një total prej 109,000 punonjës në mbarë botën, pritet që të largohen nga puna mes 16,000 dhe 21,000 persona.
Nuk dihet ende se sa nga këto shkurtime do të prekin punonjësit në SHBA. Vetëm në Hillsboro, Oregon, kompania ka të punësuar mbi 20,000 persona.
Ky zhvillim vjen pas vendimeve të ngjashme nga kompani të tjera të mëdha si Microsoft dhe Amazon, të cilat gjithashtu po reduktojnë stafin për shkak të ndikimit të Inteligjencës Artificiale dhe automatizimit.
