Një tërmet me magnitudë 2.4 të shkallës Rihter është ndjerë mbrëmjen e kaluar në qytetin e Ohrit dhe zonat përreth.
Dridhja është regjistruar rreth gjysmë ore pas mesnatës dhe është ndjerë lehtë nga banorët lokalë. Sipas të dhënave paraprake, epiqendra e tërmetit ndodhet në pjesën jugore të Liqenit të Ohrit, në afërsi të kufirit me Shqipërinë.
Nuk raportohet për dëme materiale apo të lënduar, ndërsa lëkundja është konsideruar si e dobët në intensitet.
