Çmimet e naftës janë rritur sërish në tregtinë aziatike, të ndikuara nga përshkallëzimi i sulmeve të ndërsjella mes Izraelit dhe Iranit, në një klimë të lartë tensioni gjeopolitik.
Sipas raportimeve të ANSA-s, nafta e lehtë (WTI) është rritur me 1.07%, duke arritur në 72.54 dollarë për fuçi, ndërsa Brent është rritur me 0.87%, duke kapur vlerën e 73.87 dollarëve për fuçi.
Në mëngjesin e sotëm, tregjet ndërkombëtare të lëndëve të para kanë reflektuar këtë pasiguri:
- WTI për dërgesat e korrikut u tregtua me 72.40 USD/fuçi, me një rritje prej 0.88%;
- Brent për dërgesat e gushtit u tregtua me 73.91 USD/fuçi, me një rritje prej 0.93%.
Kjo lëvizje në çmime pason valën e re të përplasjes ushtarake mes dy vendeve, duke nxitur shqetësime për furnizimet globale me energji.
