Një zyrtare policore në Ferizaj është sulmuar fizikisht të premten pasdite, teksa ishte në kryerje të detyrës së saj zyrtare. Ngjarja ka ndodhur në rrugën “Adem Jashari” në Hani i Elezit, më 4 korrik 2025, rreth orës 16:40.
Sipas raportit të Policisë së Kosovës, i dyshuari, një shtetas kosovar, ka arritur të largohet nga vendi i ngjarjes pas aktit të dhunës.
“Viktima femër kosovare, zyrtare policore, derisa ishte në kryerje të detyrës, është sulmuar fizikisht nga një i dyshuar mashkull kosovar. I dyshuari ka arritur të arratiset. Nuk raportohet për të lënduar”, thuhet në njoftimin zyrtar të policisë.
Rasti është duke u hetuar nga njësitet kompetente, ndërsa autoritetet janë në kërkim të personit të dyshuar.
