Një rrjedhje e re e informacionit ka ngritur spekulime për modelin iPhone 17, i cili pritet të vijë me një ekran më të madh, prej 6.3 inç, në versionin bazë. Kjo përfaqëson një rritje nga ekrani 6.1 inç i iPhone 16, dhe sinjalizon një ndryshim në dizajnin standard të serisë.
Detajet dolën në dritë pas një listimi të përkohshëm në Amazon Indi, ku një mbrojtëse ekrani nga kompania Spigen përmendte përputhshmërinë me iPhone 17 – megjithëse referenca u fshi më vonë.
Raportimet e fundit sugjerojnë gjithashtu se të gjithë modelet e iPhone 17 do të kenë ekran 120Hz me teknologjinë ProMotion, duke ofruar lëvizje më të butë dhe përvojë më të përmirësuar vizuale, si dhe funksionin e ekranit gjithmonë aktiv.
Një tjetër detaj që ka tërhequr vëmendjen është modeli i ri iPhone 17 Air, i cili do të zëvendësojë versionin Plus dhe do të jetë jashtëzakonisht i hollë, vetëm 5.5 mm trashësi – një rekord për pajisjet iPhone.
Seria iPhone 17 pritet të prezantohet në muajin shtator, me modelin Pro Max që do të ruajë ekranin 6.9 inç.
