Policia e Tiranës ka finalizuar me sukses operacionin policor të koduar “November”, duke vënë në pranga një shtetas të shpallur në kërkim për një grabitje me pasoja të rënda.
I arrestuari është A. Ç., 49 vjeç, i cili dyshohet se në bashkëpunim me shtetasin Xh. C. (tashmë i arrestuar) dhe një person tjetër ende në kërkim, kanë vjedhur 30 mijë euro dhe sende me vlerë në një banesë në Tiranë, në nëntor të vitit 2024.
Ngjarja është cilësuar me pasoja të rënda për shkak të natyrës dhe vlerës së dëmit të shkaktuar ndaj pronarit të banesës.
Gjykata e Tiranës ka caktuar ndaj 49-vjeçarit masën e sigurisë “Arrest në burg”, për veprën penale “Vjedhja”, e kryer në bashkëpunim.
Policia njofton se vijon puna për identifikimin dhe kapjen e bashkëpunëtorit të tretë, i cili dyshohet se ka marrë pjesë aktive në organizimin dhe realizimin e vjedhjes.
